شوية نـكـت تضحك

مجموعة نكت يارب تعجبكم

محشش .... سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة

واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ما هي ما ماتتش و انا بغسلها هي ماتت و انا بعصرها

مره واحد عدى على واحد صاحبه بخيل اوى...... لقاه حاطط ايده على عينه الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!

واحد غبي حضر حفله للفنان رامي عياش ولما سمع رامي بيغني,, (بحطها ع
راسي من فوق) قام ورفع إيده ويصرخ: (عرفتها عرفتها..الطاقيه)

مره واحد بخيل قوى خبط فى حيطه اتعور جامد اوى وقعد ينزف شافه واحد عسكرى قاله اشوفلك دكتور قاله لا شوفلى حد يشترى الدم اللى نازل ده

كان فيه قملتان في رأس واحد أصلع واحدة بتقول لأختها أنا عطشانه الثانيه قالت لها أسكتي أحنا ماشين في صحره .

مرة واحد صعيدى بيدهن الحيطة.... قالوله طيب حط جرنال تحتك... قال لهم : لا مش مهم انا كده طايل

واحد ماشي في الصحراء شاف واحد قاعد علي صخره وبيعمل رن ر ن رن ....
سابه ومشي ... و شويه شاف واحد تاني قاعد علي صخره وبيعمل عن عن عن...
سابه ومشي... و شوية شاف واحد قاعد على صخرة بس ساكت ، قال له قاعد كدا ليه؟؟؟؟ ده في اتنين مجانين قاعدين يعملوا رن رن رن و وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش

واحد كسلان اتحكم عليه بالإعدام انه يندفن في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك